18th Lok Sabha thutkhawm tan dawn

18th Lok Sabha session hmasa ber chu June 24 Thawhtanni hian neih a ni dawn a. Elected member-te chuan rinawmna thutiam lain June 26-ah Lok Sabha Speaker thlanna neih a ni ang a, June 27 ah President Droupadi Murmu chuan House pahnih joint sitting ah thusawina a nei bawk ang.
Session-ah hian BJP leader leh seven-term member Bhartruhari Mahtab pro tem Speaker atana ruat chuan sawi a hlawh tir viau tura ngaih a ni a. Opposition te chuan nataka sawisel sa tawhin member senior zawk Congress MP K. Suresh chu sorkar in a enkan a ni an ti.
Parliamentary Affairs Minster Kiren Rijiju chuan Mahtab chuan a zawn zatin Lok Sabha member term sarih a nih tawh thu sawiin chuvanga pro tem Speaker atana ruat a nih thu a sawi a. Sureh chuan kum 1998 leh 2004 khan inthlanah chak lovin a zawnin term li MP nihna a chelh thung a, a hmain kum 1989, 1991, 1996 leh 1999 khan MP a thlan a lo ni tawh a ti.
Thawhtanni hian President Droupadi Murmu chuan Rashtrapati Bhawan ah Lok Sabha pro tem Speaker atan a lalut dawn a. Chumi hnuah Mahtab chuan Parliament House pan nghalin Lok Sabha thutkhawm chu chawhma dar 11-ah tan a ni ang.
|hutkhawm a nih veleh member-te chuan 18th Lok Sabha thutkhawm hmasak ber pualin ngawi renga hun hmanna an nei ang a. Chumi hnuah Lok Sabha Secretary General Utpal Kumar Singh chuan house table ah lower house a elected member list chu a pharh dawn a ni.
Chumi hnuah Mahtab chuan Prime Minister Narendra Modi, Leader of Lok Sabha chu House member ni tura thutiam la turin a ko hmasa ang.
Pro tem Speaker chuan president in pro tem Speaker pui tura a ruat ‘panel of chairpersons’ te chu rinawmna thutiam a laktir leh phawt dawn a ni.
President chuan pro tem Speaker pui tur hian Kodikunnil Suresh (Congress), T.R. Baalu (DMK), Radha Mohan Singh leh Faggan Singh Kulaste (BJP ve ve) leh Sudip Bandyopadhyay (TMC) te a ruat a ni.
Panel of chairpersons te pro tem Speaker in Lok Sabha member atana rinawmna thu a tiamtir hnuah alphabetical order in State hrang hrang atanga Mp thlanchhuah te chu ni hnih chhungin rinawmna thutiam turin a la lut dawn a ni.
Lok Sabha Speaker thlanna chu Nilainiah neih a ni ang a, chumi hnuah Prime Minister chuan a Council of Ministers te chu hmelhriattirna a nei zui ang.
President chuan parliament House pahnih joint sitting ah June 27 ah thusawina a nei ang a. June 28 ah President’s Address Motion of Thanks sawihona neih a ni ang a, chunga sawihona te chu Prime Minister chuan July 2 emaw 3 ah emaw chhanna a siam ang.
House pahnih te chu chawlh tir lailawk an nih hnuah July 22 ah Union Budget pharh turin an thukhawm leh dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More