2023 CMT Music Awards-a perform tur an puan zingah Gwen Stefani, Alanis Morissette leh Shania Twain te an tel. Award hi Moody Center, Austin, Texas-ah an rama Pathianni (keini tan Thawhtanni a ni hman tawh ang) hian an sem tawh dawn a ni.
Gwen Stafeni hi CMT Music Awards-a a vawi khat inlanna tur a ni a, Carly Pearce nen an che dun dawn a, Morissette pawh hi CMT Music Awards-ah a vawi khat inlanna tur tho niin, CMT Next Women of Country franchise kum 10 tlin lawmna puala perform tur niin, 1995-a a hla hit ‘You Oughta Know’ chu CMT Next Women of Country honorees Morgan Wade (Class of 2002), Ingrid Andress (2019), Madeline Edwards (2022) leh Lainey Wilson (2019) te nen an perform ho dawn a ni.
Shania Twain hi a perform bakah CMT Equal Play Award an hlan nghal dawn a, he award hi country music huanga a chan chhe zawk te chawisanna kawnga thawk tha te hnenah hlan thin a ni a, Jennifer Nettles leh Linda Martell te pawhin he award hi an lo dawng tawh a ni.
Kumin CMT Music Awards-a perform tur an lo puang tawh zingah Darius Rucker leh The Black Crowes, Wynonna Judd leh Ashley McBryde, Carrie Underwood, Cody Johnson, Blake Shelton, Keith Urban, show co-hosts Kelsea Ballerini leh Kane Brown te pawh an tel.
Kumin CMT Music Awards nomination-ah hian Lainey Wilson a langsar ber a, nomination pali a nei a, chung zingah chuan a hla HARDY nena an zaihona ‘Wait in the Truck’ avangin video of the year leh collaborative video of the year, ‘Heart Like a Truck’ avangin female video of the year leh Cole Swindell nena an zai dunna avangin “Never Say Never’ avangin CMT Performance of the year te a ni.
2023 CMT Music Awards-a perform tur zingah Gwen Stefani, Alanis Morissette leh Shania Twain an tel
Get real time updates directly on you device, subscribe now.