2023 CMT Music Awards-ah Jelly Roll a langsar
2023 CMT Music Awards chu nimin tuk khan an sem ta a, Jelly Roll a langsar bera, award pathum a dawng. Jelly Roll hian ‘Son Of A Sinner’ music video avangin Male video of the year, Breakthrough male video of the year leh CMT digital-first performance of the year award te a dawng a ni.
Kumin CMT Music Awards-ah hian nomination-ah Lainey Wilson langsar ber, nomination pali a nei a, Kane Brown, Jelly Roll leh Cody Johnson ten nomination pathum teuh neiin an dawt a, Kane Brown hian award pakhat, a nupui Katelyn Brown nena an zai dunna ‘Thank God’ music video avangin Video of the year an dawng a, he category hi award ngaihhlut ber niin, nupaa he award dawng tei hmasa ber an ni.
Lainey Wilson pawhin award pahnih dawngin ‘Heart Like A Truck’ music video avangin female video of the year a dawn bakah HARY a feature-na ‘wait in the truck’ avangin collaborative video of the year a dawng a, Cody Johnson-a’n award pakhat dawngin, ‘Till You Can’t’ avangin CMT performance of the year a dawng ve bawk.
2023 CMT Music Awards hi Moody Center, Austin-ah sem a ni a, CBS-in live-a an tihchhuah bakah Paramount+ in an live stream bawk. Show hi Kane Brown leh Kelsea Ballerini ten an host dun a, country star hrang hrang perform zingah Blake Shelton, Carrie Underwood leh Keith Urban te pawh an tel a, award presenter zingah Megan Thee Stallion, HARDY, Noah Schnapp leh Travis Kelce te pawh an tel.
Kumin hian Shania Twain chuan CMT Equal Pay Award a dawng a, he award hi country music huanga a langsar lo zawk te chawikanna kawnga thawh hlawk te hnena hlan thin a ni a, Shania Twain hi he award dawng thei pathumna niin, Jennifer Nettles leh Linda Martell ten an lo dawng tawh bawk a ni.
-- Advertisement --
2023 CMT Music Awards winners:
Video of the year : Kane Brown & Katelyn Brown – “Thank God”
Female video of the year : Lainey Wilson – “Heart Like A Truck”
Male video of the year : Jelly Roll – “Son Of A Sinner”
Group/duo video of the year : Zac Brown Band – “Out In The Middle”
Breakthrough female video of the year : Megan Moroney – “Tennessee Orange”
Breakthrough male video of the year : Jelly Roll – “Son Of A Sinner”
Collaborative video of the year : HARDY feat. Lainey Wilson – “wait in the truck”
CMT performance of the year : Cody Johnson – “‘Til You Can’t” (from 2022 CMT Music Awards)
CMT digital-first performance of the year : Jelly Roll – “Son of A Sinner” (from CMT All Access)
CMT equal play : Shania Twain