Nickelodeon 25th Annual Kid’s Choice Awards nomination an puang ta a, music category-ah Taylor Swift a langsar ber a, nomination panga a nei a, nomination pali nei Harry Styles-a’n dawtin, Beyonce leh Lizzo ten nomination pathum ve ve an nei bawk.
-- Advertisement --
Kid’s Choice Awards 2023 hi March ni 4 hian Microsoft Theater, Los Angeles-ah an sem dawn a, TikTok star Charli D’Amelio leh Nate Burleson ten an host ang.
Taylor Swift hian a hla ‘Anti-Hero’ leh ‘Bejeweled’ avangin favorite song-ah nomination pahnih a nei a, a zawhte, Olivia Benson Swift tia a hming a phuah chu favorite celebrity pet-ah nominate a ni bawk a, a zawhte nomination chhiar tel chuan Swift hian nomination paruk a nei.
Favorite breakout artist-ah Devon Cole, Dove Cameron, GAYLE, Joji, Lauren Spencer-Smith leh Nicky Youre te an lang a, mahse, anni zinga a tuamah hi Grammy best new artist nomination-ah an lang lo tlat.
Music star thenkhat filmleh TV lama nominate an awm a, Olivia Rodrigo chu favorite female TV star (kids)-ah High School Musical: The Musical: The Series aavangin nominate a ni a, Selena Gomez pawh Hotel Transylvania: Transformania avangin favorite voice from an animated movie (female)-ah nominate a ni bawk.
Television category-ah Stranger Things a langsar ber a, nomination paruk neiin, That Girl Lay Lay, High School Musical: The Musical: The Series leh The Fairly OddParents: Fairly Odder ten nomination pali theuh neiin an dawt.