Miley Cyrus ‘Flowers’ a lar ber

Miley Cyrus ‘Flowers’ a lar ber
Miley Cyrus hla hit ‘Flowers’ chu Billboard Global 200 chart-ah a No.1 a, he chart-a kar hnih a No.1-na a ni ta a, streaming-ah record siamin, solo artist zinga kar khat chhunga hla stream nasat ber a ni a, a nawlpuiah chuan kar khat chhunga stream nasat ber dawttu a ni ve thung.

Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuangah kar khat chhunga official-only streams (subscription leh ad-supported audio leh video music services) leh download sales te chu tehna pawimawh a ni.

‘Flowers’ hi kar khat chhungin khawvel huapin stream maktaduai 217.1 a tling a, download sales 1,07,000 a tling bawk a, hei hi chart-ah a kar hnih nan a No.1 pui leh ta a ni. He hla hian kar hmasaah kar khat chhunga stream maktaduai 179.1 tlingin solo artist hla kar khat chunga stream nasat ber record a lo siam tawh a, tunah record thar a rawn siam leh ta a ni.

‘Flowers’ aia kar khat chhunga hla stream nasat zawk awm chhun chu BTS ‘Butter’ kha niin, June 2021 khan record siamin, kar khatah vawi maktaduai 289.2 stream niin, ‘Flowers’ (maktaduai 217.1)-in a dawt a, BLACKPINK ‘Pink Venom’ (maktaduai 212.1), Miley Cyrus ‘Flowers’ (maktaduai179.1), Adele ‘Easy On Me’ (maktaduai 178.2), BTS ‘Permission To Dance’ (maktaduai 169.8), BTS ‘Butter’ (maktaduai 169.8), BLACKPINK ‘Shut Down’ (maktaduai 152.8), Lisa ‘Lalisa’ (maktaduai 152.6) leh BTS ‘Life Goes On’ (maktaduai 152.5) ten an dawt.

Bizarrap leh Shakira ‘Bzrp Music Sessions, Vol.53’ chu No.2-ah bawk a la awm a, chart No.1 hlui SZA ‘Kill Bill’ pawh No.3 a la ni a, Rema leh Selena Gomez ‘Calm Down’ chu No.4-ah bawk awm lehin, chart No.1 hlui Sam Smith leh Kim Petras ‘Unholy’ chu No.6 atangin No.5 a kai thar ve leh ta bawk.

Billboard Global 200 Top 10:
1 Flowers – Miley Cyrus
2 Bzrp Music Sessions, Vol. 53 – Bizarrap & Shakira
3 Kill Bill – SZA
4 Calm Down – Rema & Selena Gomez
5 Unholy – Sam Smith & Kim Petras
6 Creepin’ – Metro Boomin, The Weeknd & 21 Savage
7 Escapism – RAYE Featuring 070 Shake
8 I’m Good (Blue) – David Guetta & Bebe Rexha
9 Anti-Hero – Taylor Swift
10 As It Was – Harry Styles