Rock and Roll Hall of Fame (RRHOF) chuan Class of 2023 nominee an puang ta a, kumin hian nominee 14 an awm a, chung zinga nominee pariat te chu an vawi khat lanna a ni. RRHOF a lakluh ni tura chhawp chhuah theih ni tur hian artist ten an commercial release hmasa ber atanga kum 25 tal a tlin phawt a ngai a, Hall of Fame a lakluh tur te chu fan vote leh Rock Hall hnuaia international voting body a vote nei te vote hmanga thlan tur a ni a, vote hmusang panga lakluh an ni ang. Fans tan pawh April ni 28 thleng online voting an hawng a, vote.rockhall.com ah vote hi a thlak theih a, a duh tan vote thlak nawn theih niin, nitin vote vawi khat zel a thlak theih.
-- Advertisement --
Kumin nomination a lang te chu- Kate Bush, Sheryl Crow, Missy Elliott, Iron Maiden, Joy Division/New Order, Cyndi Lauper, George Michael, Willie Nelson, Rage Against the Machine, Soundgarden, The Spinners, A Tribe Called Quest, The White Stripes leh Warren Zevon te an ni.
Sheryl Crow, Missy Elliott, Joy Division/New Order, Cyndi Lauper, George Michael, Willie Nelson, The White Stripes leh Warren Zevon te hi nomination-a an vawi khat lanna a ni a, The White Stripes leh Missy Elliott te hi kuminah RRHOF nomination-ah an lang theina hmasa ber (commercial release an neih atanga kum 25 tling chiah) a ni bawk.
RRHOF-a lakluh turah hian an phal zau sawt hle mai a, tunhnaiah rap legend, pop superstar, country icon, R&B star leh an genre thliar fel hleihtheih loh te pawh lakluh an awm ta zeuh zeuh a, tunhnaiah Dolly Parton, Eminem, Lionel Richie, Carly Simon leh Eurythmics te pawh lakluh an lo ni tawh a, anni ho pawh hi traditional rock background nei miah lo an ni hl