Kumin ACM Awards-ah hian record siam an awm nual a, entertainer of the year dawngtu Lainey Wilson hian kum hnih kalta khan new female artist of the year a, new artist award dawn atanga entertainer of the year award dawng rang thei ber record, The Chicks (Dixie Chicks tih thin kha) siam a rawn nih rual chiah. He female trio hian 1999 khan new group or duo an dawng a, 2001-ah entertainer of the year an dawng lehnghal bawk. Hetihrual hian solo artist zingah Lainey Wilson hi new artist dawn atanga entertainer of the year dawng leh rang ber a ni bawk.
Wilson hian ACM-in Triple Crown an tih mai a dawng ta a, new female artist of the year bakah nikum khan female artist of the year a dawng a, kuminah he award hi a dawng leh bawk. Wilson hian music event of the year pawh Jelly Roll a feature-na ‘Save Me’ avangin a dawng a, nikum khan Hardy a feature-na ‘Wait in the Truck’ avangin he award hi a dawng taw bawk.
Chris Stapleton pawhin album of the year dawngin, he award hi tum li a dawnna a ni ta a, mipa zaithiam zinga he award dawng ngun ber niin, hmeichhe lamah la tluk loh pakhat a nei a, chu chu he categiry-a award vawi nga dawng tawh Miranda Lambert chiah a ni
Stapleton hian male artist of the year a dawng bawk a, he award dawng ngun ber dawttu niin, award vawi nga dawng tei Merle Haggard, Brad Paisley leh George Strait te chiah a pha lo.
Old Dominion-in a zawnin group of the year tum sarih an dawng tling ta a, Rascal Flatts record nih rualin, he award dawng ngun ber an ni tlang ta.
Megan Moroney-i’n new felame artist of the year a dawng a, Nate Smith-a’n new male artist of the year a dawng bawk a, anni pahnih hi nikum khan he category-ah hian nominate an lo ni ve ve tawh a, award an dawng lo ve ve. ACM hian new artist category-ah tum hnih nomination-a lan an remti a ni.
2024 ACM Awards-ah record siamte
Get real time updates directly on you device, subscribe now.