Kendrick Lamar an diss battle boruakah Lamar a chetha zawkin a lang, chutiang karah chuan 2024 BET Awards nomination an puang a, Drake tan chanchin lawmawm a awm ve ta, he award nomination-ah hian langsar berin, nomination pasarih a nei a, Nichi Minaj-i’n nomination paruk neiin a dawt a, J. Cole, Sexxy Red, SZA leh Victoria Monet ten nomination panga theuh neiin, 21 Savage, Beyonce, Doja Cat, Megan Thee Stallion, Tyla leh Usher ten nomination pali theuh an nei bawk.
BET Awards hi mihangho tana zan ropui tia an sawi thin a ni a, rimawi leh lemchan mai bakah infiamna lama mihâng chetha te puala award niin, kumin hian June ni 30 zanah, Los Angeles-ah an sem dawn a, an theme chu Standing on Culture tih a ni.
BET chuan kumin award show-ah hian GloRilla, Latto, Muni Long, Sexyy Red, Shaboozey leh Victoria Monét te an perform dawn tih an puang nghal bawk.
Kumin nomination-ah hian Beyonce leh Jay-Z te fanu Blue Ivy, kum 12, chu YoungStar Award-ah nominate a ni a, ani hi kumina BET Award nomination-a lang zinga naupang ber a ni.
Nomination hi BET Voting Academy-in an thlan niin, he Voting Academy-ah hian entertainment professional balah music, media, digital marketing, sports journalism, public relations leh creative arts lama influencer te an tel a ni. Award dawng tur pawh hi voting academy bawkin an thlang leh dawn a, Viewer’s Choice erawh mipui kutthlakna tur niin, June ni 6 atangin June ni 30 thleng vote a thlak theih ang.
2024 BET Awards nomination-ah Drake a langsar
Get real time updates directly on you device, subscribe now.
Next Post