2024 Billboard Women in Music Producer of the Year PinkPantheress

2024 Billboard Women in Music Producer of the Year PinkPantheress
Nikum khan a vawi khat nan Billboard Women in Music event-ah Rosalia chu Producer of the Year chawimawina an hlan a, ani hi he chawimawina dawng hmasa ber a ni a, kuminah chuan PinkPantheress, kum 22, chu he chawimawina dawng tura thlan a ni ve thunga, Bath, England chhuak PinkPantheress hi 2024 Producer of the Year Award hlan a ni dawn ta. 2024 Billboard Women in Music Awards ceremony hi YouTube Theater, Hollywood Park, Los ANgeles-ah March ni 6 hian neih a ni dawn a, Tracee Ellis Ross-i’n a host ang.
Billboard Editorial Director Hannah Karp chuan, “Producer naupang te, hriathlawh mek PinkPantheress chawimawina kan hlan tur hi kan phur khawp mai. Producer hriat hlawh zingah hmeichhia an tam lo hle a, hetiang karah artist talent nei tha tak PinkPantheress te ang, hmeichhe tam tak phurna petu a nih bakah stage-ah a fan-te tana performer hmuhnawm tak ni bawk si thurchhuah tur kan nei hi a lawmawm a ni,” a ti.
PinkPantheress hian ama music a produce nghal zel a, TikTok-ah 2021 atangin a rawn lar tan a, March 2023 khan a hla hit ‘Boy’s a Liar, Pt.2’ featuring Ice Spice a tichhuak a, he hla hi Billboard Hot 100 chart-ah No.3 kaiin, heta tang hian rimawi khawvelah a hming a chher lehzual ta a ni. 2023-a a album ‘Heaven Knows’-ah pawh khan executive producer a ni nghal a, tunah chuan a full song catalog pawh on-demand US streams tluklehdingawn 1.62 a tling pha tawh hial a ni.
2024 Billboard Women in Music Awards-ah hian Karol G chu Woman of the Year-ah puan a ni a, Kylie Minogue, Maren Morris, Ice Spice, Charli XCX, Young Miko, Victoria Monet, NewJeans, TEMS leh Luisa Sonza te pawhin award an dawng dawn a ni.