2024 BMI R&B/Hip-Hop Awards-ah Babyface leh SZA ten chawimawina dawng dawn

September ni 5-a Fairmont Century Plaza, Los Angeles-a neih tur 2024 BMI R&B/Hip-Hop Awards-ah Kenneth ‘Babyface’ Edmonds leh SZA te chu chawimawina special dawng tura thlan an ni. Anni pahnih hian kum tir lama Grammy-ah pawh khan SZA hla hit ‘Snooze’ an phuah dunna avangin award an lo dawng tawh bawk.
Babyface hian BMI Icon Award a dawng dawn a, SZA hian BMI Champion Award an dawng ve thung dawn a, he award semna event hi BMI president leh CEO ni bawk Mike O’Neill leh vice president Catherine Brewron ten an host dawn a ni.
Brewton chuan thuchhuah siamin, “Legend Babyface hnena BMI Icon Award kan hlan thei tur hi keini pawhin lawmawm kan ti a, a talent leh hlaphuah lama a thiamthil te hi genre hrang hrangah kum tam tak kan lo hmu tawh. SZA pawh hi a career hmuhnawm taka inthlak kan hmu a, R&B feel thar, kan ngainat em em inspire-tu zinga mi a ni,” a ti bawk.
Babyface hian Grammy awards 12 dawng tawhin, chung zingah chuan producer of the year, non-classical-ah award pali a tel. BMI Awards pawh 63 dawng tawhin, chung zingah chuan song of the year award pathum leh BMI pop songwriter of the year award pasarih a tel. Songwriters Hall of Fame-ah pawh 2017 khan lak luh a ni tawh bawk.