A hliam damchian theih loh avanga kumin French Open title humhim tura Roland Garros thleng zo lo tur Rafael Nadal chuan season thar hi a career a zialfel ve tawh hun tur a nih theih thu a sawi rualin Paris khawpuiin nakkuma Olympic Games a thlen turah hian a tawpna’n ram tan inlan a tum thu a tarlang tel.
An khua Mallorca-a Rafa Nadal Academy a dinna hmunah Spaniard hian news conference koin, he hunah hian a hmalam hun atana mite ngaihven reng thin engngemawzat a puang chhuak a, a ngainat leh a hming chherna pui ber French Open a khelh theih loh chhan pawh kumin January thla Australian Open a khelh laia a khelh bawr a tihnat vang kha a nih thu sawiin, kum 20 dawn claycourt season lo thunun nghet hmiah tawh thin hian khelmuala a hun hnuhnung a hmang chho ve mek a ni.
Kum 2005 kha grand slam title 22 a lak tawh zinga a hma-saber a sualchhuah kum ni daih tawhin, Paris khawpuia a major hmasa ber atang khan Roland Garros-ah hian kumtin a la inlan zat zat a, kumin erawh a heti ve ta nge nge a ni.
Nikuma a grand slam title 22-na a lakna leh French Open title bik 14 a lak tlinna inkhel final-ah Norway star Casper Ruud a hneh kha a ni a, kumin hian Roland Garros-a a title kawl lai humhim thei dawn lo mah se kum tharah kum 36 mi hian a Olympic Games hnuhnungber tur a beisei leh meka ni.
2024 Paris Olympic-a inlan tum Nadal
Get real time updates directly on you device, subscribe now.
Prev Post
Next Post