Contract thar ziak Saka

Kum riat mi lek a nih laia north London club zawm tawh Arsenal forward chuan kum 2027 thleng daih turin a contract neih lai a pawtsei.
England forward hian season kal laiah Gunners tan goal 14 khungin, assist vawi 11 a siamchhuak tling tawh bawk.
Kum 21 mi lek la ni chungin a club vawn lai tan game 178 a khel tling der tawh a, season hnuhnung liamta pahnihah khan Arsenal Premier League game zawng zawng a khel kim vek nghe nghe!
Chutiang mi chuan club-in a laka rinna nghata inremna thar an ziahpui chu a hlim hle tih sawi chungin, a amwna tur club dik tak a bel nia a hriat thu leh Arsenal chuan hlawhtlinna lian an sualchhuah ngei a beisei thu a sawi.
Saka contract neih lai hi 2023-24 season tawp ruala zo tur a ni.
Manchester City laka Premier League title an hloh fel hnuah table-a pahnihna luahtu Gunners hian Pathiannia an league season tawpna inkhelah Wolves an mikhual ang a, kum ruk an kalbo hnuin season tharah Champions League football an khel ve leh ang.