2025 iHeartRadio Music Awards nominations-ah Taylor Swift leh Morgan Wallen langsar

2025 iHeartRadio Music Awards nominations-ah Taylor Swift leh Morgan Wallen langsar
2025 iHeartRadio Music Awards nominations an puang ta a, Taylor Swift leh Morgan Wallen ten nomination 10 ve ve neiin an langsar ber a, Kendrick Lamar, Post Malone leh Sabrina Carpenter ten pakua theuh neiin an dawt a, an panga ian artist of the year-ah nominate an ni vek a, he category-ah hian Billie Eilish, Doja Cat, Jelly Roll, SZA leh Teddy Swims te nominate an ni bawk.
Kumin iHeartRadio Music Awards-ah hian Taylor Swift tour hlawhtling zet mai ‘Eras Tour’ chuan Tour of the Century chawimawina a dawng dawn a, Lady Gaga leh Mariah Carey ten special award an dawng ve ve dawn a, Gaga hian Innovator Award dawngin Carey-i’n Icon Award a dawng ve thung ang. Award hi Dolby Theatre, Los Angeles-ah March ni 17-a sem tur a ni.
iHeartRadio Innovator Award hi rimawi mai bakah khawvel huapa culture lama an career-a huhang nei lian leh nghawng nei tham te hnena hlan thin a ni a, Pharrell Williams, Justin Timberlake, U2, Bruno Mars, Chance the Rapper, Alicia Keys, Taylor Swift leh Beyonce te pawhin an lo dawng tawh.
iHeartRadio Icon Award hi Bon Jovi, Elton John, Jennifer Lopez, Pink leh Cher ten an lo dawng tawh bawk.