2025 RRHF nominee an puang
Rock and Roll Hall of Fame (RRHF) chuan 2025-a hall of fame a lak luh theih tura thlan theih (nominee) 14 an puang a, heng nominee-te atang hian voting board-in hall of fame a lak luh tur secret ballot-in an thlang leh dawn a, kum khatah mi pasarih vel an lak luh dan tlangpui a ni.
Kumin RRHF nominee-ah hian English rock supergroup Bad Company, Southern blues-rockers The Black Crowes; singer-songwriter Mariah Carey; rock n’ roll hranghlui Chubby Checker; blues star boral tawh Joe Cocker; punk rocker Billy Idol; dance rock tana sul sutu Joy Division/New Order; pop iconoclast Cyndi Lauper; Mexican rockers Maná; Britpop legend Oasis; commercial hip-hop Outkast; jam band Phish; grunge atangin Soundgarden; leh garage rock The White Stripes te an ni.
Nominee zinga pariat- Bad Company, the Black Crowes, Chubby Checker, Joe Cocker, Billy Idol, Maná, Outkast leh Phish te hi RRHF nominee-a an tel vawi khatna a ni a, nomination-a an lan theih vawi khatna erawh a ni lo. RRHF nominee-a lang thei tur hian an commercial recording hmasa ber an tlangzarh atanga kum 25 tal a liam phawt a ngai a ni.
Nominee te hi international panel, artist, historian leh music industry a mi pawimawh 1,200 chuangin vote hmanga an thlan a ni a, Class of 2025 hi April thla chawhnu lamah an puang ang a, kum tawp lamah 2025 RRHF induction ceremony hi Los Angeles-ah neih a ni bawk ang.
2025 RRHF nominee an puang
Get real time updates directly on you device, subscribe now.
Next Post