Sabrina Carpenter-i’n Global Success Award dawng dawn

Sabrina Carpenter-i’n Global Success Award dawng dawn
Sabrina Carpenter chu March ni 1-a sem tur BRIT Awards-ah global success award hlan a ni dawn tih an puang a, Carpenter hi award semna show O2 Arena, London-a neih turah hian a perform nghal dawn a, he show-ah han JADE, Myles Smith, Shaboozey, Teddy Swims leh The Last Dinner Party te an perform dawn tih an lo puang tawh bawk.
Sabrina Carpenter hian BRIT Awards-ah hian nomination pahnih- international artist of the year leh a hla hit ‘Espresso’ avangin international song of the year-ah te a nei bawk.
Honorary global success award hi BRIT-ah hian kum ruk chhung chu an sem tawh lo a, 2013-2019 khan kumtin an sem a, Adele, One Direction leh Ed Sheeran ten hetih chhung hian tum hnih theuh an dawng hman.