2026 NAACP Image Awards-ah A$AP Rocky-a’n Vanguard Award dawng dawn

2026 NAACP Image Awards-ah A$AP Rocky-a’n Vanguard Award dawng dawn
A$AP Rocky chu 57th NAACP Inage Awards Fashion Show, February ni 27 a neih tura Vanguard Award for Fashion dawng tura thlan a ni. He award hi ESSANCE magazine, June Ambrose, Bethann Hardison le Ruth E. Carter te pawhin an lo dawng tawh.
NAACP national board of directors vice chair Karen Boykin-Towns chuan, “Kumin Vanguard Award dawng tur ASAP Rocky hian mihang te themthiamna a phochhuak tha le a. An ngaihruatna leh suangtuahna themthiamna hmanga culture chhem kaltu, music leh fashion thiam taka kal kawptirin, thangthar zawkte entawn niin, global trend tichhuak thei a ni,” a ti a, “ASAP Rocky hian mihang te creativity neithat zia huaisen taka phochhuaktu a ni. Fashion khawvel pawn lam thlengin a huhang a lian a, culture, music, art leh mimal ngaihdan khawvel huapa huaisen taka lantir theitu a ni,” a ti bawk.
Rocky hian kumin NAACP Image Awards-a hian nomination pathum a nei a, Spike Lee film siam ‘Highest 2 Lowest’ avangin outstanding supportin actor in a motion picture, outstanding breakthrough performance in a motion picture leh outstanding ensemble cast in a motion picture-ah te nominate a ni.
Rocky hian January ni 16 khan a studio album palina ‘DON’T BE DUMB’ a tlangzarh a, Billboard 200 (US albums) chart No.1-ah a debut a, tun kum riat chhunga a studio album thar tlangzarh awmchhun a ni nghe nghe.