2Pac pualin Walk of Fame-ah arsi

An kahhlum atanga kum 27-naah rapper Tupac Shakur pualin vawiin hian Hollywood Walk of Fame-ah arsi an dah dawn ta a, Tupac pual arsi hawnna hi 6212 Hollywood Blvd-ah an nei dawn a, Tupac hian recording category atangin arsi hi a nei dawn a ni.
Hollywood Walk of Fame producer Ana Martinez chuan, “Tupac Shakur kha rapper, actor, activist, poet leh revolutionary a ni. He artist ropui tak hian a thih hnu kum tam takah pawh huhang a la nei a, kum lo la awm leh zel turah pawh a pawimawhna leh ropuina a chuai cnhuang lo ang. Tupac-a pual arsi pawh hi arsi zinga tlawhtu ngah ber pawl a nih ngei ka ring,” a ti.
New York City a puang, California-a seilian, Tupac Shakur hi West Coast legend an tih thin a ni a, Kendrick Lamar, Eminem, J. COle, Drake, Ed Sheeran, Justin Bieber leh zaithiam lar dang tam tak te inspire-tu a ni.
Baltimore School of Arts-ah Shakur hian acting, poetry, jazz leh ballet a zir a, a hun hmasa lamah chuan Shakur hi MC New York tia hriat thin a ni a, a hnuah rap group Digital Underground-ah telin 2Pac a inti ta a ni.
Solo artist angin Shakur hian a debut album ‘2Pacalypse Now’ chu 1991-ah a tlangzarh a, kum 25 mi chauh ni a an kahhlum hmain album dang pathum a tichhuak leh hman a, a thih hnuah pawh a album dang paruk an tichhuak leh bawk.
All Eyes on Me leh a greatest-hoits collection te chuan RIAA certified diamond kaiin, US-ah copy maktaduai 10 chuang an hralh thei ve ve a ni. 2017 khan ha rap icon hi Rock & Roll Hall of Fame-ah lakluh a ni a, solo hip-hop artist zingah chuan a hmasa ber a ni.