4-lane laih tur chhungah
thing leh mau lak khap
Kolasib district magistrate chuan a hnuaia four lane kawngpui laih tur huamchhunga thing leh mau lak khapna thuchhuah a siam.
Tunlai hian 4-lane kawng laih tura zangnadawmna NHIDCL-in an pek tawh leh ram an lak fel tawh huamchhunga thing leh mau mi thenkhatin dan loin an la thin tih hriat a ni a. Hei hi dan bawhchhiatna leh sawrkar property khawih chhiatna a ni, tih district magistrate hian sawiin, hetianga dan bawhchhiate hi ‘The Mizoram (Prevention of Government Land Encroachment) Act 2001’ hmangin an chungah hremna lekkawh theih a ni tih a sawi.
Hei vang hian mimal, pawl emaw agency hrim hrim ten Kolasib district huamchhung 4-lane kawng laih turin a huam chin, NHIDCL-in a lak fel tawh chhunga thing leh mau leh bungrua engmah lak phal a ni lo tih a sawi a. Tilui man an nih chuan dan angin an chungah action lak a ni dawn tih a sawi a ni.
4-lane laih tur chhungah thing leh mau lak khap
Get real time updates directly on you device, subscribe now.