2024-ah Hnahthial district-ah
police-in thubuai 65 ziaklut

Kum 2024 chhung khan Hnahthial district-ah police-ten thubuai 65 an ziahlut a, pawikhawihtu zaa 92 an man tling.
Hnahthial Superintendent of Police Shivam Siddharth chuan Ningani khan a office-ah Hnahthiala thuthar thehdarhtute a kawm a. Heta a sawi danin, kum 2024 chhung khan Hnahthial Police-ten an district chhungah criminal case 65 ziaklutin, heng case-ah hian thil tisualtua puh mi 75 man an ni. Thil tisualtu zingah hian zaa 92 man an ni. Hunpui vuakvetah Hnahthial district chhungah Sub-Hqrs YMA, Village Council, MJA leh Village Defence Pary (VDP) te nen thawhhona tha tak an neih avangin harsatna leh buaina awm loin hunpui hi mipui tana muanawm leh ralmuang takin an hmang thei tiin, lawmawm a tih thu a sawi a ni.
Mizoram sawrkarin hunpui vuakveta halpuah, halmawi leh puak thei thil hrang hrang khapna thupek a chhuah chu Hnahthial district-ah chuan an zawm tha hle nia a hriat thu SP hian a sawi a. District chhunga NGO hrang hrangte nena an thawhhona that vang bakah MJA-ten an puanzar that sak vang a ni, tiin, Hnahthial district mipui leh NGO zawng zawng chungah lawmthu a sawi a ni.