76ers in final an hnaih

Nilaini khan NBA conference play-off semi-final khelh chhun-zawm a ni a. Philadelphi 76ers chuan a vawi thum nan Boston Celtics an hneh a, final an hnaih ta hle. Nilai zing khan Denver Nuggets pawhin hnehna an chang a, series-ah 3-2 in hma an hruai ve ta chiah bawk.
Semi-final game li khelh tawhah 2-2 a inhnehtawk mek 76ers leh Celtics te hian inkhel hmuhnawm tak an lantir a. 76ers hian bul an tan that an hlawkpui a, quarter hnuhnung berah hnufual zawk ni bawk mah se point 12 ngawtin hnehna an chang tho thung.
76ers hian Eastern Conference champion Celtics lakah bul an tan tha a, quarter hmasa berah point 7 in chungnung zawkah an tang a, quarter hnihnaah point hniha chungnung zui leh a, point 9 a hmahruai chungin chawlhlawk an hmang.
Chawlhlawk hnu lamah pawh Philadelphia 76ers bawk an khel tha chhunzawm leh a, quarter thumnaa 7 in an chungnung zui leh am quarter hnuhnung ber an hmachhawn dawn meuh chuan point 16 zetin hma an hruai tawh a, chak turin an dinhmun a tha viau tawh. Point 14 zeta hnufual tawh Celtics hi quarter hnuhnung berah point liin chungnung zawk mah se point 12 zetin an khingpuite an umphak thei ta chuang lo va. Game nganaah 76ers chuan point 115-103 a hnehna changin series ah 3-2 in hma an hruai a, final lut turin vawi khat chak chiah an mamawh tawh.
Celtics an hneh nawn leh tum hian MVP thar Joel Embiid chuan point 33 a thawkchhuak a, semi-final game hnuhnung pathumah point 30 chin thawkchhuak vekin, a chetha zawn hle. 76ers tan hian Tyrese Maxey chuan point 30 a thawh ve bawk. NBA play-off bikah game nga chhunga point 30 chin thawkchhuak zawn vek thei Allen Iverson chu play-off-ah point 30 chin thawkchhuak zawn rei ber a ni a. Vawili point 30 thawkchhuak zawn thei Wilt Chamberlain chu Embiid chungah a awm a. Embiid hi NBA khel mek zingah play-off a point 30 chin thawkchhuak zawn rei ber a ni ve mek thung.
Eastern Conference champion Boston Celtics tan hian Jayson Tatum chuan point 36 a thawkchhuak a. Jaylen Brown chuan point 24 a thawkchhuak ve bawk naa 76ers laka an tlawm tur an chhanhim zo chuang lo. Game nganaah an tlawm vangin Celtics hian tlak an hnaih ta hle a. Final lut thei turin khelh hmabak pahnihaah an chak zawn a ngai tawh.
Nilai zinga inkhel dangah Denver Nuggets chuan point 118-102 in Phoenix Suns an hneh a. Nuggets hian series ah 3-2 a hmahruai in, final luh an hnaih ta hle. Suns an hneh nawn leh tum hian Nikola Jokic chuan point 29 thawkchhuak in, ball sawhlet vawi 13 zet a dawn bakah assist vawi 12 a nei a, tre-ble doubles a puitlin.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Užitečné tipy a triky na každý den, chutné recepty a užitečné články o zahradničení - to všechno naleznete na našem webu. Buďte inspirativní a objevte skrytý potenciál své zahrady s našimi informacemi a návody. Buďte sebou, buďte kreativní a buďte zdraví s našimi praktickými tipy pro každodenní život! Ministerstvo zdravotnictví vydalo prohlášení o epidemiích akutních střevních infekcí Jak zkontrolovat čerstvost vajec za 5 sekund: Nejrychlejší a nejjednodušší Jak snadno a Zdravé a výživné recepty: Jak vařit pšeničnou kaši na vodě Chcete-li zjistit nejlepší triky a recepty pro domácí vaření, zahradničení a životní styl, jste na správném místě! Naše stránka je plná užitečných článků a návodů, které vám pomohou vytvořit zdravý a pohodlný životní styl. Navštivte nás pravidelně pro nové tipy a triky pro vaši kuchyni, zahradu a každodenní život.