Kumin HSLC leh HSSLC Exam result chhuaka science leh mathematics subject-a mark hmu sang ber (topper) te hnenah Science Teachers’ Association Mizoram (STAM) chuan ‘Proficiency Award’ an hlan.
STAM Proficiency Award dawngte hnenah hian sumfai Rs. 10000 (cash award), memento, STAM dictionary leh certificate pek an ni a. Kum 2017 atanga sem tan niin, heng chawimawina hi science leh mathematics lama mi chhuanawm leh hmingthate hmingchawia sem thin a ni. Lawmman sumfai pawh a hming putute hian an tum a ni.
Hmanpuitu Mizoram University registrar Prof. Lalnundanga chuan zirlai chawimawina dawngte a lawmpui thu leh STAM-in Proficiency Award a buatsaih chu lawmawm a tih thu a sawi a. Award dawngtute chu zirna sang zawkah hriat zui tlak an nih zel theih nan theihtawp chhuah turin a fuih.
Award donor-te atangin C Lalrosanga, Prof. Zaithanzauva Pachuau, Prof. Rualkhuma Colney, ZET leh Dr R Kapthuama te chhung atangin zirlaite fuihna thuchah an sawi bawk.
HSLC bikah mathematics topper pathum bakah science topper pasarih leh, HSSLC-ah mathematics topper pakhat, chemistry topper pakhat, biology topper pathum leh physics topper pakhat hnenah award hi hlan a ni.
8th STAM Proficiency Award sem
Get real time updates directly on you device, subscribe now.
Next Post