Hmun hnihah kuhva man
Inrinni zan khan Champhai Police patrolling party chuan Myanmar atanga dan loa lakluh, Zion Veng Champhai YMA Park bul mualzawla dah kuhva ro bag 120 (kg. 9600 vel) an man. Kuhva rah man hi mi pali – Lalthlamuana, Bethel Veng; Lalramchhinhimi, Electric Veng; Baby Laltlansai, Kahrawt Veng leh Lalzuithangi, Zion Veng Champhai ami vek te ta nia sawi niin, dan anga hmalak zui turin Custom Preventive Force Champhai-ah an hlan.
April 28 zan zanlai pelh hnu khan 2nd IR Battalion Hqrs. Khawzawl main gate-a duty const. Rohmingliana chuan kuhva rah phur nia rinhlelh lirthei pathum tidingin Khawzawl Police Station a hriattir nghal a. Dan loa phurh kuhva ro bag 190 (kg. 15000), lirthei pathum – Lalhruaithara (28), Zote Champhai district (bag 30), Lalzarliana (29), Tlangsam (bag 80) leh Lalhmingtluanga, Tlangsam Champhai (bag 80) intiten an phurh chu an man. Thil man te hi Custom Preventive Force Champhaia hlan an ni.
Hmun hnihah kuhva man
Get real time updates directly on you device, subscribe now.
Prev Post
Next Post