District Council din champha
Mara Autonomous District Council-in 1972 April 29 atanga a hranga Autonomous District Council a neih kum 50-na, Golden Jubilee chu kumkhat chhung lawm a nih hnuin Inrinni khan Siaha-ah khar a ni.
MADC Golden Jubilee kharnaah hian MADC CEM M Laikaw chuan Autonomous Council hi chanchintha avangin Pathianin a humhalh a, a chawikan a duh avanga pek an ni tih a sawi a. Pawi- Lakher Regional Council hun atang tawha an eizawnna sawrkar hna bansan a, ram tana boycott-tu an hriat theih mi 16 hnenah zahna chibai a buk tih a sawi a ni.
PL Regional Council hunlaia ADC hran phuta sawrkar hnathawk bang 16 zinga la dam awmchhun – A. Pawchi leh heng mite lo buaipuitu Nohla Nohro nupui Sialei Chhachhai te hnenah chawimawina hlan an ni.
Lai Autonomous District Council pawhin LADC Day vawi 51-na chu Inrinni khan an hmang a. LADC CEM V Zirsanga chuan LADC chhunga cheng mipui leh khawvel hmun hrang hranga Laifate chibai a buk. LADC chu Lai hnam tan beiseina siamtu leh Lai hnamte inpui a ni, tiin, chu Laifate leh Lairam chhunga cheng zawng zawngte tan malsawmna a ni chunzawm zel dawn tih a sawi a ni.
District Council din champha
Get real time updates directly on you device, subscribe now.
Prev Post
Next Post