Ayush damdawi in dinhmun enfiah
Health & Family Welfare minister Dr R Lalthangliana chuan Thawhtanni tlai khan Thenzawla Ayush Hospital tlawhin an dinhmun a enfiah.
Minister hi medical superintendent Dr B Lalhriatpuia leh thawktu dangten an lo dawngsawng a. Hospital tihchangtlun dan tur leh mamawh hrang hrang an neihte an lo thlen.
He Hospital din tirha nurse 12 awm chu 4-in an chawlhsan tawh avangin tunah 8 chauh an awm tawh a, an indaih loh thu Health minister hi an lo hrilh a. He hmuna thawk lai pharmacist pakhat chu nikum November khan a boral a, tun thlengin thawktu thar an la nei leh lo.
Kal (kidney) leh thin (liver) enfiahna khawl an neih loh chu minister hian World Bank sum lokal tur atanga tih sak a har a rin loh thu a sawi a. Steam bath khawl an chhawr tangkai em em chu pek belh dan ngaihtuah tul a tih thu a sawi bawk.
Heng baka hospital mamawh leh thil tul dang an neihte chu tunkar Zirtawpnia chief medical officer hrang hrang leh hospital thuneitu dangte a kohkhawm hunah an aiawh hotute tel ve a, an mamawhte chu ziaka thlen turin minister hian a hrilh a ni.
Ayush damdawi in dinhmun enfiah
Get real time updates directly on you device, subscribe now.
Next Post