September-ah health care bill zualpui pek tlak tum

Health care bill zualpui chu kumin September hian pek deuh vek an tum tih Health minister Dr R Lalthangliana chuan a sawi.
Thawhtannia Lunglei MNF office-a thu a sawinaah MNF adviser ni bawk Dr R Lalthangliana chuan health care bill tang rei lutuk chu thla tharah chuan a then a zar pek theih ngei an tum a. September thlaah chuan a zualpui chu pek deuh vek an tum tih a sawi. Sawrkar hnathawk hlawh pawh a hunbi takah pek theih ngei an tum tih sawiin, a hnathawk hniam lam phei chu an ngaihpawimawh zual hle tih a sawi a ni.
Kumin MLA inthlanah Pathian leh mipui zarah Pu Zoramthanga kaihhruai MNF a tling nawn leh ngei dawn nia sawiin,
MNF chu party danglam tak, hun harsa leh hun khirh laia rorel tura Pathianin a thlan thin thu leh a hruaichhuah zel thu a sawi bawk.