Remna vawnghim \ha ber kan ni hi mipui zar – Lalruatkima

Mizoramin remna leh muanna a vawnghim \ha chu mipui zar a ni tih minister Lalruatkima chuan a sawi.
Remna Ni champha vawi 37-na puala Information & Public Relations department, Mizoram Journalists’ Association (MJA) leh Mizo Photographer’s Society (MPS) buatsaih thlalak pholan chu Vanapa Hall-ah Ningani a\ang khan neih \an a ni a. A hawngtu I&PR minister Lalruatkima chuan Mizoram chu kum tam tak a buai hnuah 1986 June 30 khan sawrkar laipui leh hnam pasal\hate zarah remna thuthlung ziah a nih tak thu sawiin, remna leh muanna nghahhlelh em em chu neih a ni ta tih a sawi. “Kum 20 chuang rambuai ni \hin kha remna leh muanna vawnghim \ha ber kan ni ta hi mipui zar a ni. Sawrkarin mawhphurhna keng mah se, mipui thawhpuina tel lo chuan remna tluantling neih theih a ni lo,” a ti.
Remna leh muanna hlutzia sawiin khawvel huapa sulsutu tur UNO hial din a ni tih a sawi. Hnam hrang hrangten dam khawchhuak tur leh thiltihtheihna inchuhin an indoin an innek chep \hin a, thlamuang taka awm harsa an tih laiin Mizoram erawh state ralmuang ber tia sawi a ni chu lawmawm a tih thu a sawi a. Mizoram \henawmte bakah ram dangahte remna a awm loh avangin nunna leh in leh lo tam tak an chan a, remna leh muanna an neih thuai chu a tawngtaina leh duhsakna a ni tih a sawi bawk.
Thlalak chu hnam rohlu leh tihdan phung vawnghimtu hlu tak a ni tih Lalruatkima hian a sawi a. |hangthar zel turte tan Mizo ziarang leh nihphung vawn\hat a ngai hle, tiin, hnam tipumkhata hmasawnna thlentu a ni tih hre reng turin a chah.