Vantlang hmun pawimawh leh biak in thlengin, rualbanlo (Persons with Disabilities) tana lawilen awlsamna tur ramp emaw lift emaw siamna turin sawrkar laipuiah project theh luh theih a ni a, chutianga ti duh an awm chuan a nodal department an nih angin bawhzui pui an inhuam tih Social Welfare department hotute chuan an sawi.
Social Welfare deputy director Dr Lalnunmawii chuan central scheme a\angin sawrkar building 27-ah rualbanlote pualin wheelchair nawr theihna tur (ramp) an siam tawh thu leh sawrkar department-ten rualbanlote puala ramp siam chu ngaipawimawh se an duh tih a sawi. Chutiang siamna tur project chu an department-a an rawn thehluh phawt chuan an buaipui thei tih sawi bawk.
Rualbanlote chuan sawrkar atanga hamthatna hrang hrang an dawn zel theihna’n an awmna ID siam ngaipawimawh se a duh thu a sawi a. Rualbanlote tan hian District Hospital tinah ID (unique disability identity card) hi siam theih a ni tih a sawi.
Social Welfare & Tribal Affairs department hnuaiah kum 60 atanga 79 chin BPL member tan thlatin Rs. 400 pension a awm a, kum 80 chunglam tan Rs. 600 an la thei tih Dr Lalnunmawii hian a sawi a. Hmeithaite tan thlatin Rs.400 a lak theih bakah chhungkua a eizawngtu ber a boralin pension a lak theih tih a sawi a ni.
Thingtlanga awm naupangten sikul tha an kal theihna’n khaw hrang hrangah Eklavya Model Residential School an din chho mek zel tih sawi bawkin, an department a thawktu an in daih loh em avangin an duh ang a tha a hna an thawh theih loh thu a sawi.
PwD tana ramp/ lift siam theihna project SWD-in bawhzui inhuam
Get real time updates directly on you device, subscribe now.
Prev Post