US-in Lawng siam \hatna hmunpuiah India hmang

US lawng sipai ten chhanchhuah nana an hman US NS Salvor chuan repair turin Pathianni kal ta khan India rama lawng siamna hmunpui pakhat Larsen & Toubro, Chennai bul Kattupalli chu a rawn thleng a ni. Ram pahnih te hian kum nga chhung atan Master Repair Agreement (MSRA) US Navy leh L&T te inkar ah July 11, Thawhtanni khan inremna an lo ziak tawh a. US hian India chu lawng chhe siamna hmunpui lian taka hman chhoh theih hi a duh em em a ni.
He MSRA hi India leh US inlaichinna ti liantu atana mellung pawimawh tak a ni a. He inremna thuthlung an ziah hi kum 2022-a US leh India Minister level a an inbiakna rah chhuah kal zel niin US chuan a lawng chhia te siam that nan L&T shipyard, Kattupalli ami chu a hman zui zel tur thu intiamkamna a ni nghal bawk a ni. The Hindu in a report danin, L&T hian US in zin veivahna atana a hman Marine Sealift Command (MSC) Fleet Support Ships – USNS Charles Drew leh USNS Matthew Perry te chu a lo siam that sak tawh a ni.