Bayern 27-0 Rottach-Egern

German champion Bayern Munich chuan thawhleh zan khan season thar atan inbuatsaihna hmasa ber an khel a. 9th Tiers club Rottach-Egern lakah zahngaihna an lantir duh lova, 27-0 ngawtin hnehna an chang. Rottach-Egern an sawp tum hian Jamal Musiala, Mathys Tel leh Marcel Sabitzer chuan goal li theuh a thun a, player 13 ngawtin goal an thun bawk.
Rottach-Egern lakah Bayern in tha zetin bul an tan a, inkhel tan atanga minute thumna lekah Jamal Musiala chuan hmahruaina goal a thun nghal. Musiala goal thun atanga minute hnih hnu lekah Serge Gnabry chuan goal a thun belh zui leh nghal zat a, minute nga chhungin goal hnih an thun hman der tawh.
Goal hnih an thun atanga minute thum hnu lekah Davies chuan an goal thumna a thun zui leh. Si thum faia hma an hruai hnu hian Ganbry leh Musiala ten minute 12-na leh minute 13-naah a zawn zatin goal an thun zui leh. Chawlhlawk hmain goal 23 zet an thun hman a. An player thar Raphael Guerreiro chuan goal hnih a thun nghal bawk.
Bayern tana hattrick siam pathum; Jamal Musiala, Mathys Tel leh Marcel Sabitzer Premier te bakah hian Bayern tana goal thuntu dangte chu Alphonso Davies, Konrad Laimer, Noussair Mazraoui, Dayot Upamecano, Leroy Sane, Raphael Guerreiro, Ryan Gravenberch, Kingsley Coman leh Sadio Mane ten goal khat theuh an thun bawk. Si 27 ngawta an sawp Rottach-Egern te hi nine tiers club ni mah se Bayern hian an dim duh bau lo.