Guinness world record siam hlap na ber Satwik
Guinness world record siam hlap na ber Satwik
Star India shuttler Satwiksairaj Rankireddy badminton mipa bika hlap na ber record a siam a, darkar khata km 565 zeta shuttle cock a hlap chu Guinness world record-ah ziahluh a ni.
Kum 2013 May thlaa Malaysian Tan Boon Heong-a siam darkar khata km 493 (306.34 mph)-a chak chu Indian hian a khum ta a ni.
Satwik-a shuttle cock hlap nat zawng hi Formula 1 car top speed (372.6 km/h) ai pawhin a sang zawk!
World record siam tura cock an vuak hun hiApril 14, 2023 kha niin, Soka, Saitama, Japan-a Yonex factory gymna-sium-ah endikna hi kalpui niin, speed measurement result hi a hmunah Gui-nness world records offi-cial judge-te’n an endik a, Satwik hian record thar a siam ta a ni.
Hmeichhe lama hlap na ber (Guinness world record siamtu) chu Malaysia player Tan Pearly niin, a record siamna speed chu 438 km/h (about 272 mph) a ni.
Japanese sports equipment manufacturing company Yonex chuan lawmpuina tarchhuak nghalin, “Yonex chuan Yonex badminton athlete pahnih – Satwiksairaj Rankireddy (IND) leh Tan Pearly (MAS)-te’n mipa leh hmeichhe badminton-a hlap na ber Guinness world records title an siam hi kan chhuang takzet a ni.
“Kum 2013 May thlaa badminton hit na ber Guinness world records title tarchhuah a nih atanga thangkhat lian hnuah Rankireddy hian a vawikhatna atan record ding lai a khum ta a ni,” tiin.
Tunhnai mai khan Satwik leh a kawppui Chirag Shetty hian Indonesia Open Super 1000 title hlawhchhuakin, tunah hian Korea Open a khel leh mek.
Thawhlehni khan star Indian men’s doubles pair Satwiksairaj Ran-kireddy leh Chirag Shetty tangdun chuan Yeosu khawpuia Korea Open Super 500 tour-nament second round an luhna kawngah straight-game hmangin Thailand pair Supak Jomkoh leh Kittinupong Kedren an hneh.
World number 3 pair hian Jomkoh leh Kedren inkawp lakah 21-16 21-14 hnehna changin, round of 32 lamah Chinese pair He Ji Ting leh Zhou Hao Dong an hmachhawn zui leh ang.
He tournament kal laiah hian Olympic medallist PV Sindhu, Kidambi Srikanth leh HS Prannoy-te pawh an chhuak ve bawk.