Idia leh China group khatah

Asian Games neih tura football inelna bikah India chu an thenawm ram China nen Group A-ah an awm dun. India tan knockout round luh theihna hun remchang tak a inhawng tura ngaih a ni.
India hi an ramri chungchangah an intihbuaipui reng China nen Group A-ah an awm tlang a. Group A-ah hian India leh China bakah Myanmar leh Banglandesh te an awm bawk. India hi tunhnaiah an chetha chho a, Fifa ranking-ah pawh hma an sawn. An chet that lai a nih vangin quarter-final luh theih beiseina sang tak an nei.
Asian Games football-ah hian ram 23 ten Gold Medal an inchuh dawn. Ram 23 te hi group ngaah team li an awm a. Group D bikah team pathum an awm ve thung a. Group D-ah hian Japan, Palestine leh Qatar te an awm tlang a. Japan leh Qatar tan last 16 luh theihna kawngza zau takin a inhawng. Group hrang hranga pakhatna leh pahnihna ten last 16 an lut ang a. Pathumna ni phak zinga titha zual pathumin last 16 an lut thei dawn bawk.
Hmeichhe lamah team 17 ten Gol Medal an inchuh ve dawn thung a, India chu Group B-ah Chinese Taipei leh Thailand te nen an awm tlang. Group khata champion te theuh bakah pahnihna zinga titha zual pathumin quarter-final an lut ang.
Mipa group hrang hrangte
Group A: China, Bangladesh, Myanmar, India
Group B: Vietnam, Saudi Arabia, Iran, Mongolia
Group C: Uzbekistan, Syria, Hong Kong,
Afghanistan
Group D: Japan, Palestine, Qatar
Group E: South Korea, Kuwait, Thailand, Kuwait
Group F: North Korea, Indonesia,
Kyrgyz Republic, Chinese Taipei
Hmeichhe Group
Group A: China, Uzbekistan, Mongolia
Group B: Chinese Taipei, Thailand, India
Group C: North Korea, Singapore, Cambodia
Group D: Japan, Vietnam, Nepal, Bangladesh
Group E: South Korea, Hong Kong,
Philippines, Myanmar