Khawkherh tauh kehin record siam

Navin Kumar, kum 27, martial artist chuan minute khatah khawkherh pum 273 a chalin a tauh keh vek hman a, Guinness World Record a siam. A hmaa record siamtu chu Muhammad Rashid niin, ani hian minute khatah 254 a tauh keh hman a, hei hi Navin hian a rawn khum ta a ni.
Rashid leh Navin te hi he record siamah hian record siamtu zawk an innih chhawk zak zak, 2014 khan Rashid hian record siamin, minute khatah pum 150 a tauh keh a, 2016-ah ama record khumin pum 181 a tauh keh leh a. 2017-ah Navin Kumar-a’n Rashid-a record khumin, minute khatah pum 217 a rawn tauh keh ta a ni.
Chumi hnuah Rashid leh Navin te hi La Notte dei Record, Italy-ah inlanin, an inhmachhawn ta a, Kumar hian minute khatah pum 239 a tauh keh laiin, Rashid hian pum 254 a tauh keh a, record thar a siam leh ta a ni.
Chutah Kumar-a record chu a ding ta vang vang a, tunah Navin hian a rawn khum leh ta a, Navin chuan, “Ka talent tihchian nan record ka siam leh ta a ni,” a ti.
Tun tum a record siamah hian Navin hian khawkherh hi a tauh keh chak hle a, second khatah pum 4.5 vel zel tauh keh hman ang a ni. Record a siam zawhah meuh chuan a chal pawh a thi ve sâng e.