Voice of Salvationist – Vanlalruati

Vanlalruati, Tlangnuam Corps chu Voice of Salvationist 2023 Winner niin, PC Lalrinliani, Chanmari West Corps leh Angela Zonunmawii, Lily Veng Corps te chu Pahnihna leh Pathumna an ni.
Voice of Salvationist hi The Salvation Army, India Eastern Territory pum huap thalaite puala zai intihsiakna niin, North East India state hrang hrang atangin Salvation Army thalaite an tel a, August ni 25, Zirtawpni zan khan Dawrpui Multipurpose Hall-ah grand finale neih a ni ta a ni.
State hrang hrang atanga tel tumte hian anmahni Division Headquarter theuah audition round an neih a, chumi paltlang mi 107 chu first round-ah inlanin, he round hi August ni 9 leh ni 10-ah Woodland Hills, Zonuam-ah neih a ni a, chuta tanga top 30 thlan chhuah te chu August ni 12-ah Woodland Hills-ah tho hian an intihsiak leh a, a zanah Top 10 a tling te an puang lehnghal a ni.
Top 10 finalist te hi August ni 18 zanah Dawrpui Multipurpose Hall-ah intihsiakin, chuta tang chuan Top 5 finalist an thlang leh a, anni hi August ni 22 zanah intihsiakin, August ni 25 zanah grand finale neiin, result an puang ta a ni.