Artist 100-ah Taylor Swift kar 78 No.1 ta

Taylor Swift chu Billboard Artist 100 chart-ah a No.1 a, he chart-a a No.1 tawhna belhkhawm chu kar 78 a tling ta a, Artist 100 chart-a No.1 ni ngun ber a nihna a la sawh nghet ta zel e.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga album leh hla hralh tam dan te, streaming leh radio airplay te chu tehna pawimawh a ni.
Taylor Swift hian a album leh hla te a la hralh tha hle a, Billboard 200 (albums) chart a lang thei album 10 a la neih bakah Billboard Hot 100 (singles) chart-a lang thei hla pali a la nei bawk a ni.
A album ‘Midnights’ chu kar khat chhungin US-ah 53,000 la hralh theiin, Billboard 200-ah No.5 a la ni a, a album dang ‘Speak Now (Taylor’s Version)’ chu No.7 a la ni a, ‘Lover’ (No.8), ‘Folklore’ (No.13), ‘1989’ (No.17), ‘Reputation’ (No.19), ‘Red (Taylor’s Version)’ (No.26), ‘Evermore’ (No.31), ‘Fearless (Taylor’s Version)’ (No.35), ‘Taylor Swift’ (No.182) te chart-ah an lang bawk.
Hot 100 lamah ‘Cruel Summer’ chu No.4 a la ni a, ‘Karma’ featuring Ice Spice chu No.15 niin, ‘Anti-Hero’ chu No.18 a la ni a, ‘I Can See You (Taylor’s Version) (From the Vault)’ chu No.74 a la ni bawk.
BTS member J-Hope chu No.6-ah a rawn lang thar a, he chart-a solo artist anga a thlen san ber a la ni a, a hmain No.9 te a lo kai tawh a ni. J-Hope pawh hian a album CD ‘Jack in the Box’ tlangzarh thar a hralh that zar a zo a ni.
Hozier pawh No.7-ah a rawn lang lehin, 2019 hnua he chart-a a rawn thlensân leh ber a ni a, ani pawh hian a LP Unreal Unearth hralh that zar a zo a ni. He album hi Billboard 200 chart-ah No.3-ah a debut a, Hozier album top 10 kai thei pathumna a ni.
TWICE member JIHYP chu No.10 niin, ani pawhin a solo EP Zone hralh that zar a zo a, he chart-a solo artist anga a lan vawi khatna a ni bawk.

Billboard Artist 100 Top 10:
1 Taylor Swift
2 Travis Scott
3 Oliver Anthony Music
4 Morgan Wallen
5 Luke Combs
6 j-hope
7 Hozier
8 Drake
9 SZA
10 JIHYO