Thalaite huaisen turin fuih

Zoram thalaite chu midangte aia thawkrim a, midang aia an huaisen a ngai tih minister Lalruatkima chuan a sawi.
Kanan Veng Football Club nena hun an hman honaah Aizawl West-II bialtu MLA ni bawk Lalruatkima chuan thalaite chu tumruhna, taimakna, insumtheihna leh teirei peihna nen kal zel turin a chah a. An hlawhtlinna phenah Mizo hnam an ti hmingtha a, Kristianna an ti hmingtha a ni, tiin, “Hei vang hian midang aiin kan thawhrim a, midanga aia kan huaisen a ngai. He ram leh hnam tanna fahrin manhla ni ang u,” a ti.
Football inkhelhnaah hmasawnna hmel thar kan hmu chho a, Mizo tlangvalte professional football luhchilha sum tam tak an thawkchhuak thei ta chu thil lawmawm tak a ni tih minister hian a sawi. Football-in a ken tel chu mahni inthunun theihna, insumtheihna a ngai tih sawiin, inthlahdahna leh dawngdahna a awm thei lo tih a sawi a ni.