Thei hrisel theihai

Theihai awm a hun leh \an ta, a tui satliah mai a ni lo va, thei hrisel ‘superfruit’ an tih hial a ni. Theihai hian anti-obesity, anti-cancer, anti-inflammatory properties a nei a, hei bakah hian ril tihriseltu \ha tak a ni bawk. Chu chu mithiam ten zirchianna an neih a\anga an hmuh thar a ni.
Mithiam ten ran-ah zirchianna neiin, chuta \anga an hmuh dan chuan theihai hi intihcher tum te tana chaw \ha tak a ni a, fat cell \hang tur a veng thei a, hnute cancer insiam tur a veng thei. Hei bakah hian mihringa enchhinna an neih tawhah chuan taksa-a inflammation (taksa khawi lai emaw a lo sen a, a lo vung a, a na \hin) a tiziaawm thei a, ek khal avanga harsatna nei \hin te tan pawh ek tinem thei a ni.
National Mango Board a Director of Research Leonardo Ortega chuan, “Mihringah zirchianna la neih chhunzawm zel chu a ngai a, mahse, tunah chuan theihai \hatna hi kan hmuhchhuah belh zel a ni, intih cher duh tan a \ha a, cancer \henkhat tan a \ha a, pum tan a \ha a, vung tan a \ha bawk,” a ti.
He zirchianna chungchang hi 2016 Experimental Biology conference, San Diego-a neihah chhawpchhuah a ni.