Luphut damdawi

Luphut hi kan buaipui hlawm hle a, thlasik a lo hnai a, hetih lai hian luphut a zual duh an ti lehnghal. Thlasik lai chuan lusuk nan tuilum kan hmang nasa a, chu chuan kan luvun a tiro a, luphut a nasa duh niin an sawi.
1. Tuivawta lusuk a tha ber a, kan inleih tawpna tur tuiah sertui tharlam thirfiante khat telh ang che.
2. Sertui leh tlaklei tidiakin chawhpawlh la, chu chu i luvun-ah tat rawh. Hetiang hian kar khatah vawi khat tih theih a tha. Minute 5 vel chiah hnuah suk fai leh mai tur a ni.
3. Bawnghnute chhia (Dhoi te pawh a pawi lo ang)-in i luvun leh sam massage la, darkar chanve vel i chiah hnuah sufai leh mai ang che.
4. Cider vinegar leh tui a inzat chiahin chawhpawlh la, chutah chuan lapua chihin i luvunah i tat dawn nia. Hetia i tih zawh hnuah rei chiah loin i sufai leh nghal dawn nia.
5. Fenugreek (methi) seed (hetiang hi kan ramah hian kan nei ve lo a ni mai thei, vai kan tih ho chuan chawhmehah an hmang uar hle) thirfian hnih zankhuain tuiah chiah la, a tukah rawt kawi la, i luah hnawih la, darkar chanve vel chiah la, i su fai leh mai dawn nia. I chiahna tui chu i i lu suk tleuh nan hmang leh ang che. hetiang hian a kar hnih chhung kar khatah vawi hnih ti la, a hnuah chuan kar khatah vawi khat a tawk mai.