Inter Village Volleyball Tournament thlirna

On Sep 22, 2023 14 0

Inter Village Volleyball Tournament thlirna
Thawhlehni atanga khelh tan JJS Trucking Bharatbenz Inter Village Volleyball Tournament 2023 chu nimin khan khelh chhunzawm niin, mipa match 11 khelh a ni.
Inkhel hmasaberah Armed Veng South LC chuan Bil-khawthlir VC lakah 25-20, 25-18, 25-13 (3-0) hnehna changin, Khawbel VC chuan Rullam VC lakah 25-14, 25-13, 25-16 (3-0) hnehna an chang ve bawk.
Inkhel dangah ITI LC chuan 25-22, 25-19, 19-25, 22-25, 15-11 (3-2)-in Zuangtui LC an hneh a; Thenzawl VC lakah Chawngtlai VC chuan 25-16, 25-19, 25-19 (3-0) hnehna changin, Tlangsam VC chuan Nursery LC lakah 26-24, 25-14, 25-13 (3-0) hnehna an sualchhuak a; Dengsur VC chuan 25-0, 25-0 25-0 (3-0)-a Zo-khawthar VC hnehin, Hmunpui VC lakah Dinthar LC chu 14-25, 25-18, 25-22, 22-25, 15-13 (3-1)-in an tlawm ve bawk.
Ningani inkhel dangah Aizawl pawn team pahnih intumin East Phaileng VC chuan Nghalchawm VC lakah 26-24, 27-25, 25-11 (3-0) hnehna an chang a; Saichal VC chuan khawpui team Luangmual LC lakah 25-3, 25-9, 25-10 (3-0) hnehna an chang.
Keitum VC chuan inkhel dangah 25-7, 25-14, 25-12 (3-0)-a Bazar Veng Mamit VC sawpin, Hunthar LC chuan Thingsulthliah VC lakah 25-10, 25-14, 25-8 (3-0) hnehna nuam-sa an hlenchhuak ve bawk.
Tournament khelh tan ni khan champion tura rinkai Maubawk leh Muanna Vengte’n an tumpui ve ve hnehin third round an lut fel tawh bawk.
Thawhlehnia inkhel hmasa berah volleyball thiam veng Maubawk chuan Thingdawl VC team an hmachhawn a, set khat hloh chungin hnehna an chang.
Maubawk LC team hian Thingdawl VC lakah bul an tan tha a, set khatnaah harsat-na lian tawk lovin set an la. Set hnihnaah Thingdawl an insiamtha a, harsa takin set an lalet. Set hnihna hloh mah se Maubawkin kawng dik an zawh leh thuai a, an hawikir tawh lo. Set hnih an lak zawn leh hnuinn 25-20, 24-26, 25-20, 25-12-in an chak zui ta a ni.
Inkhel dangah champion tura rinkai Muanna Veng chuan Tualcheng an hmachhawn a, set hloh loin hnehna an chang a, awlsam takin third round an lut. Muanna veng hian Tualcheng hi 25-14, 25-10, 25-9-in an hneh.
Tachhipin an khingpui Tuirial Airfield VC chu set hloh loin an hneh a; Sihphir VC, Kawnpui VC II, Ngopa VC, Kulikawn LC, Khawhai VC, Chhingchhip VC leh North Vanlaiphai VC-te’n hnehna an chang bawk.