Bronze nena Paris quota chang Panghal

Belgrade khawpuia Wrestling World Championship-ah bronze medal awrhin India tleirawl kum 19 mi Antim Panghal chuan nakumah Paris Olympic inelna a hmachhawn thei dawn a, Indian wrestler zinga nakkum Games atana ‘quota’ chang hmasaber a ni.
53kg grappler Panghal hian tum hnih ngawt European champion ni tawh Sweden nula Emma Jonna Denise Malmgren hnehin bronze a awrh a, Indian hmeichiate zinga world cham-pionship-a bronze la thei parukna niin, Geeta Phogat (2012), Babita Phogat (2012), Pooja Dhanda (2018), Vinesh Phogat (2019, 2022) leh Anshu Malik (silver)-te hnung a zui ve ta a ni.
|um hnih ngawt U20 champion lo ni tawh Panghal-i medal sualchhuah hi tuntum championship-a India hmeichhiate medal lak awmchhun a ni hlen dawn a; mipa lamin an la khel zo lo a, medal la an la awm loh bawk avangin he thu buatsaih lai thleng hian India medal awmchhun a la ni
Panghal hian reigning champion Olivia Dominique Parrish hnehin semi-final a lut a, last 4 bout-ah world No.23 Vanesa Kaladzinskaya a hneh lo.
Indian wrtesling pawl lian ber national federation WFI an talbuai a, a hun taka inthlan an kalpui theih loh avangin hremna an tuar mek a, hei vang hian Indian wrestler-te pawhin India flag hnuaiah Wrestling World Cham-pionship hi an hmachhawn thei lo a, UWW flag behchhana chhuak an ni.
Mipa lamah Indian Greco Roman grappler Sajan Bhanwala chu opening round paltlang zo loin South Korea mi Yang Sejin lakah 1-3-in a tlawm a, 82kg wrestler Bhanwala hi world ranking-ah No. 18 niin, a hneh loh Korean hi amah aia step khata ranking hniam a ni.
Ram chhungah harsatna lian an tawk a ni bawk a, kumin chu Indian inlan an ropui lo tlang hlawm hle a, Abhi-manyu (70kg) chu men’s free-style huanga bronze-medal round thleng awmchhun niin, Arman Andreasyan of Armenia lakah a tlawm.
77kg grappler Gurpreet Singh chuan direct entry hmuin pre-quarterfinal lut mah se minute khat leh second 12 lek chhungin world No.1 Levai Zoltan of Hungary lakah a tlawm fel der!
2022 World Championships silver medalist Zoltan hian final a luh chuan repechage route an tih kaltlangin Gurpreet hian bronze medal round thlen theihna chance a la nei.
130kg greco-roman wrestler Mehar Singh (27th seeded) pawh qualification round-ah 28th ranked David Ovasapyan of Armenia chuan a hneh ve bawk.