Mizoram nulaten final an lut

November ni 2, Thawh\anni khan Senior Women’s T20 Trophy Plate Group Match khelh zawh a ni a, Mizoram chuan an khingpui Meghalaya chu wicket 5-a hnehin final a lut.
Nagaland Cricket Stadium, Sovima-a inkhelah hian Meghalaya Toss-ah chakin vuak hmasak an thlang a, over 18 chhungin run 59 siamin an all out. Mizoram tana ball vawm thiam Lalhriatpuii’n over 4 a vawmah run 7 pein wicket 3 a la a. Lalhmangaihsangi’n Wicket 3 la bawkin ZD Lalnunhrili, Sandhia Rai leh Unnati Naik te’n wicket 1 \heuh an la bawk.
Mizoramin vuak hun a thleng a, over 13 chhunga wicket 5 hlohin an target an umphak. Mizoram tan hian guest Player Ankita Bhongade leh Vanlalremtluangi ten run 18 ve ve an siam bakah Vanlalruatpuii’n run 12 a siam ve bawk.
Plate group match khelh zawh a ni a, Mizoram hian vawi li hnehna changin, tlawm zawkah vawi khat \ang bawk mahse table-ah pahnihna niin final an lut a. Final hi vawiin chawhnu dar 1:00 ah khelh \an a ni ang a. Mizoram in an hneh loh awmchhun Bihar an hmachhawn zui leh dawn a, hneh tawh ngei tumin thapui an thawh ang.