Kar tawp Football hnuhma
Karliam ta Zirtawp zan, Inrinni zan leh Pathianni zan khan tualchhung league hrang hrang khelh chhunzawm a ni a. European top five league a thil thleng langsar zual bakah, footballer ropui Lionel Messi leh Cristiano Ronaldo te hnuhma kan tarlang tel bawk ang.
Englsih Premier League
Inrinni zan khan Newcastle United chuan Bramall Lane-a an hmachhawn Sheffield United chu 8-0 ngawtin an sawp. Si riat faia an chak tum hian Newcastle player pariat ngawtin goal an thun a, hei hi EPL chanchinah khelh khata player pariatin goal an thun vawi khatna a ni. Newcatle tan hian Sean Longstaf, Dan Burn, Sven Botman, Callum Wilson, Anthony Gordon, Miguel Almirón, Bruno Guimarães leh Alexander Isak ten goal an thun.
Pathianni zan khan Chelsea chu Stamford Bridge-a an mikhual Aston Villa lakah si khat faiin an tlawm. Chelsea hian kum 2023 chhungin EPL-ah khelh 13 zet goal thun theih loh an nei a. Kum 1995 hnu lamah EPL-a goal thun an harsat ber tum a ni a. Kum 1995 khan khelh 14 chhung goal an thun thei lo zawn.
Pathianni zanah Liverpool in 3-1 West Ham United an hneh tumin Mohamed Salah chuan minute 16-naah penalty a pet goal a, hmahruaina goal a thun. Salah hi tumhnih EPL ah a zawna game 12 chhung goal-a inrawlh zawn thei hmasa ber a ni a, record thar a siam.
Spanih La Liga
Real Madrid head coach Carlo Ancelotti chuan Diego Simeone enawl team a ngam thei lo riau zel. Real Madrid hi Pathianni zana an khingpui Atletico Madrid lakah 3-1 in an tlawm. Atletico Madrid laka an tlawm hi Simeone hmaah Ancalotti vawi 10 a tlawmna a ni a. Luciano Spalletti team enkawl lakah vawi 11 a tlawm tawh bawk.
Pathianni zan khan Barcelona chuan an mikhual Celta Vigo chu 3-2 in an hneh. Xavi hian La Liga-ah khelh 70 atangin vawi 50 a hnehna a chang.
Barcelona hi season liam ta vawi 14 chhungin La Liga-ah minute 80 thleng si hnih faia hnufual hnu a chak let leh thei hmasa ber an ni.
Atletico Madrid forward Antoine Griezmann chuan La Liga-ah goal 175 a thun tling ta chiah a, La Liga-a goal 175 thun tling thei 17-na a ni. French player zingah Liga-a goal thun hnem ber chu Karim Benzema niin goal 238 a thun a. Griezmann hi pahnihna a ni.
Italian Serie A
AS Roma in loan-a an hawh mek Romelu Lukaku chuan Pathianni zan khan Torino lakah goal a thun. Lukaku hian Serie A-ah goal khelh 100 atangin goal 59 a thun tling chiah a. Serie A-ah khelh 100 atang goal thun tam pangana a ni a. A chungah hian Trezeguet (63), Montella (64), Shevchenko (64), Higuaín (65) leh Cristiano Ronaldo te an awm.
Lazio forward Ciro Immobile chu European League lian zual pangaah goal 250-ah a inrawlh tling chiah a, kum 2012-13 hnu lamah Italian player zingah hetiang ti thei hmasa ber a ni. Immobile hmaah hian hetiang ti thei hi Messi, Ronaldo, Lewandowski, Suárez, Benzema, Kane leh Salah te an awm.
German Bundesliga
Bayern Munich forward thar Harry Kane chuan a club thar tan a khelh hmasak panga atangin goal-ah vawi 10 a inrawlh tling der tawh. Kane hian pathianni zana hattrick a siam hmangin Bundesliga-ah goal 7 a thun a, assist vawi thum an nei chiah bawk a, kum 2004-05 hnu lamah Bundesliga-a hetiang ti leh thei hmasa ber a ni.
French Ligue 1
PSG chuan Pathianni zana an mikhual Marseille chu si li faiin an sawp a,