Billboard Artist 100-ah Olivia Rodrigo a No.1

Olivia Rodrigo chu kar khat chhunga US-a zaithiam lar ber niin, Billboard Artist 100 chart-ah a No.1 a, a zawna he chart-ah kar hnih a No.1-na niin, he chart-a a No.1 tawh zawng zawng belhkhawm chu kar riat a tling tawh bawk a ni.
Billboard Artist 100 chart hi kar khat chhunga US-a zaithiam lar dan tehna niin, chart ranking siam nan hian kar khat chhunga album leh hla hralh tam dan te, streaming leh radio airplay te chu tehna pawimawh a ni.
Olivia Rodrigo hian a album ‘Gut’ hralh that zar a la zo a, a album hi 1,34,000 hralh lehin Billboard 200 chart-ah No.1 atangin No.2-ah a tawlh a, he album-a a hla 12 te chu Billboard Hot 100 (singles) chart-ah an lang vek bawk a, chung zingah chuan a hla hit ‘Vampire’ chu No.7 a la ni.
Rod Wave pawhin a album thar ‘Nostalgia’ hralh that zar zovin No.52 atangin No.3-ah a invawrh a, ‘Nostalgia’ hi 1,37,000 hralhin Billboard 200 chart No.1-ah a debut a, he chart-a a album No.1 kai thei pathumna a ni. He rapper-singer hian he album-a a hla 18 te chu Hot 100 chart-ah a lanpui vek bawk a ni.
Mitski pawh No.9-ah a rawn lang thar ve leh a, ani pawhin a album thar ‘The Land Is Inhospitable and So Are We. The LP’ chu 32,000 hralhin Billboard 200-ah No.12 a kai pui a, he album-a a hla te chu Hot 100 chart-ah a lang nual bawk.
Billboard Artist 100
Top 10:
1 Olivia Rodrigo
2 Taylor Swift
3 Rod Wave
4 Morgan Wallen
5 Zach Bryan
6 SZA
7 Drake
8 Luke Combs
9 Mitski
10 Doja Cat