BLACKPINK member Lisa-i’n GWR siam leh tawh

BLACKPINK member Lisa-i’n GWR siam leh tawh
BLACKPINK member Lisa hla ‘Money’ chuan Spotify-ah vawi tluklehdingawn stream a hlawh ta a, Guinness World Record siamin, K-pop solo artist zinga Spotify-ah vawi tluklehdingawn stream theih hla nei hmasa ber a ni.
‘Money’ hla hi 2021-a a solo EP Lalisa atanga a single pahnihna a ni a, September ni 21 khan Spotify-ah stream 1,00,26,83,408 stream kaiin record a siam tih Spotify chuan niminpiah khan an puang.
Lisa hian Guinness World Record pali a siam tling ta a, 2022 khan solo K-pop artist zinga MTV Video Music Awards dawng thei hmasa ber niin, hemi kumah vek hian solo K-pop artist zinga MTV Europe Music Awards dawng thei hmasa ber ni lehin, kuminah Instagram-ah follower maktaduai 86.3 nei tlingin, K-pop srtiat zinga follower ngah ber record a siam tawh bawk. Tunah chuan Instagram-ah hian follower maktaduai 97.3 a nei tling tawh nghe nghe a ni.
Lisa hian BLACKPINK ang pawhin record a lo siam nual tawh a, April 2021 khan an group hi YouTube-a band subscriber ngah ber niin, March 2023 khan hmeichhe group zinga Spotify-a stream nasat ber niin, September 2022 khan K-pop hmeichhe group zinga Official UK Albums Chart-a No.1 thei hmasa ber niin, October 2022-ah hmeichhe K-pop group zinga Billboard 200 chart-a No.1 kai thei album nei thei hmasa ber an ni tawh bawk.