Sawrkar lakah PEAM lawm a famkim lo A ngheta thawk turin sawrkar an ngen

Provisional Employees Assioation of Mizoram chuan an dinhmun chhe tak MR atanga dinhmun tha zawk Provisional Employee a hlankai an ni chu lawmawm an tih thu sawiin, Mizoram sawrkar hnuaia kum sarih chuang a nghet loa thawk tawhte DP&AR in regularized tur list-a a siam fel tawh te chu paih \hen lova regularized turin Mizoram sawrkar an ngen tih an sawi.
Provisional Employees te chuan sawrkar hna hnuaihnung zawk thawk thin an nih thu sawiin, sawrkarin an dinhmun chhe tak atangin dinhmun tha zawkah a hlang kai tih an sawi a. Mihring pangngai an nihna angin sawrkarin a enkawl chho \an ta chu lawmawm an tih thu sawiin, guidelines fel tak hnuaia status sang zawk an nei thei chu lawmawm an tih thu an sawi a. Council of Ministers \hukhawmin one time relaxation for regularization of Contract & Provisional Employee outside the prescribed quota chungchang an ngaihtuahnaa a thuphunga a pawm sak chu lawmawm an tih thu sawiin, a taka hman thuai a nih theih nan sawrkar leh a concerned department te chu hmalak chhunzawm sak turin an ngen tih an sawi bawk.
Sawrkar chunga lawmna hrang hrang an neih hnuin Council of Ministers thukhawmin state sawrkar hnuaia hun rei tak a nghet loa thawk tawh tute regularized-na tur ngaihtuah leh pawm hmasa lova, sawrkar hnuaia hna la thawk ve ngai reng reng lote thawhna sikul 180 provincialised tura a pawm chu Provisional Employees Assioation of Mizoram leh All Mizoram Govt. Contract Assioation te chuan hriatthiam har an tih thu sawiin, sawrkar hnuaia absorption a tih chuan an pawm dawn lo tih an sawi bawk.