Hmangaihna phakar!

Inngaihzawnna leh inhmangaihnaah tu emaw zawkin chan bik nei loin, an pahnihin an inpe tawn a. Mahse, dawn ringawt tum chi i tawng tawh mai thei. I dawn aia tam i pe chhuak a, chutiang renga a kal chuan in inkarin a la chhiat phah thei dawn niin relationship lama mithiam ten an sawi.
I mamawh vena lam ngaihtuah hauh loin ama mamawh leh duhna ringawt a ngaihtuah a, chutiang mi chu hmangaihna thisen dawt hmang (emotional parasite) an ti. A petu lama tang zawk chuan eng emaw hlekah thiam loh a chang zawk zel a, thupha chawi ngai dinhmunah a ding deuh reng thin. Chutiang inngaihzawnna leh inhmangaihna chuan reiloteah a tichau che ang a, taksa leh rilru thleng a nghawng thei a ni.
A nih leh engtin nge chuan ‘hmangaihna thisen dawt hmang’ te chu kan hriat theih ang? Hriat theih dan a awm niin psychologist Deepti Makhija chuan a sawi a, “|henkhat chuan petu zawka tan reng chu, dawn let an nei ve lo a nih pawhin pawi an ti lo thei. Mahse, chutiang chu mi tlemte chauh an ni. Kan pekchhuah chuan a lo let ve tur kan rilruin a beisei thin a ni,” a ti.
Hmangaihna thisen dawt hmang hriat theih dan ni a an sawi te chu:
1. A tir atangin an duh nghal huam huam ang che.
2. I lak atanga an duh te an dawn hunah zawi zawiin an kalsan ang che.
3. Lemchan an thiam, rilru na tak anga lan te pawh an thiam a, mittui tih tlak mai te pawh an awlsam.
4. A tuartu ber niawm inlantir dan an thiam em em.
5. Mawhphurhna an tlanchhiatsan deuh zel.
6. Mahni inkhawngaihna an ngah.
7. Midang mawhpuh dan an thiam.
8. Tuman an hrethiam ve lo anga inngaihna te an nei thin.