BJP-in faina hnatlang nei

Swachh Bharat campaign – ‘Swachhata Hi Seva’ leh ‘Vocal for Local Campaign’ programme India ram hmun hrang hranga hman rualin BJP Mizoram State Hqrs chuan Thawhtanni khan an State office ah an hmang a. Hemi hnu hian kawng dung thianfaiin an hnatlang.
Seva Pakhwada Programme-a state in charge MLA Dr BD Chakma chuan midang tana luanchhuah leh faina beihpui thlak kawngah Pu Modi kaihhruai sawrkar hnuaiah India ramin nasa takin hma a sawn a, Seva Pakhwada denchhenin BJP Mizoram pawhin thisen pek runpui an buatsaih a, kum dangah free medical camp-te an lo buatsaih tawh thin tih a sawi.
“Faina hian chhunglam faina, sawrkarnaah pawh kut fai nena hnathawhna hi a kengtel a, he faina beihpui hi Mizoramah pawh kan mamawh hle a, kut fai nena Mizoram kaihruai tur kan mamawh a ni,” a ti.
MLA inthlanpui awm turah sawrkar tha leh thianghlim a awm theih nan Mizoramah BJP sawrkar neih kan mamawh hle tih Dr BD Chakma hian sawiin, “Kawng hrang hranga faina kan neihna hun a thleng anga, chutih hunah chuan Mizoramah mipui beisei development chu kan hmu tawh dawn a ni,” a ti.