Sairang-Lailapur inkar kawng thawmtha dawn

Lailapur atanga Kawnpui, Kawnpui atanga Sairang inkar kawngpui chhia chu lirthei lian tana tlan harsa lo turin vawiin, October 9 atang hian thawmthat a ni dawn.He kawngpui hmangtu bungraw phur lirthei lian bakah maxi cab ho telin, pawl hrang hrang intelkhawmna Joint Action Committee chuan kawng chhia avang hian an tan tlan zui zel ngam nia an hriat loh avangin sawrkarin a siamthat hma loh chu October 9 atang hian tlan loh nise, tiin an lo rel tawh a.
Sawrkar chuan bawhzui nghalin October 7 khan Mizoram PWD leh NHIDCL hotute chuan a hmunah an endik a, hemi tlai vek hian chief minister Zoramthanga hoin Mizoram PWD hotute leh Joint Action Committee for Plyable Road chuan Lailapur leh Sairang inkar kawng chhia siamthat thuai dan tur sawihoin hmalak dan tur ruahman a ni.
Lailapur leh Sairang inkar kawng chhe zual lai thawmthat hna tha leh chak zawka thawh a nih theih nan leh lirthei lian tlanten kawngpui siamsa an tih khaihlak loh nan helai inkar kawngah hian October 9 (Thawhtanni) atangin lirthei lian tlan rih loh nise, tih a ni a. Kawng siamthat hna thawk nghal tur hian NHIDCL-in Seling leh Serchhip atangin truck 30 lung phur chu October 8-ah hnathawhna hmuna dah tan tura tih an ni.
Thawmthat hna hi a chak thei ang bera thawh tum a ni a. Lirthei lian kal theiha siam a nih veleh lirthei lian pawh tlan chhunzawm tir an ni ang.
JAC for Plyable Road hruaitute sawi danin, kawng chhe lai hi a tam loa, a thui lamah pawh a vaia belhkhawm chuan km.1 vel bak ni loin an ngai. A chhe lai a chhiat em avangin tlan ngam a ni tawh loa, chak taka thawmthat chuan ni hnih khata zawh theih mai beisei a ni. Hei vang hian kawng thawmthat chhung chu an duty dawn a, tlan thei chin leh tlanna hmun tur inhrilh pah turin duty insiam an tum. State pawnlam/ hnamdang truck te pawh
4The Aizawl Post thudawn danin, kawngpui chhe zual lai hi Sairang lamah Mualkhang leh hmun thenkhat tlem te; Kawnpui dai quarry bul, Sethawna RTP huan bul; Kolasib dai lehlam lehlam, Vairengte dai leh Lailapur bul te a ni.
4CM hoa thukhawm hian Mizoram kawng pui dang pahnih – Teirei lei, Darlak ami leh Bairabi Zamuang ami thawh mek chu hna chak taka thawk chhunzawm turin PWD-in contractor-te hriattir se, an ti.
4Tuichang to Kawlkulh kawng NHIDCL-in a enkawl chu siamthat thuai a nih theih nan DC Khawzawlin NHIDCL leh PWD hotute kokhawmin hma lak thuai dan tur relpui se, an ti.