Roti lian ber Rajasthan-ah an siam

Atta khawro, Roti an tih mai hi chu kan hre theuh awm e, Rajasthan-ah hetiang roti lian zet mai hi an siam a, Guinness World Record-in khawvelah roti lian berah a piang. He roti hi BJP hruaitu Kailash Soni Pianchampha lawmpui nana an siam nin, kg 171 a rit a ni. A hmaa roti lian ber record chu 2021-a Gujarat-a an siam niin, kg 145 a rit a ni a, he record hi Rajasthan roti hian a rawn khum ta a ni.
He record siam thei khawpa lian roti siam nan hian chhangphut kg 200 an hmang a, chhawng ur thiam mi 21-in an buaipui a, brick 2,000 leh a ur nan lungalhthei kg 1,000 an hmang a, a urna thleng pawh kg 1,000 a rit thirbel an hmang a ni.
He roti hi feet 11.25×11.25 a lian niin, 70mm a chhah a ni. He roti an siam lai hi live stream a ni a, darkar khat aia rei an buaioui a ni. Birthday neitupa Kailash Soni chuan a pianchampha lawm nan cake zai aiin roti zai hi a duh zawk mauh mai a, record siamna khawpa lian roti an siam sak ta a ni.