Korea Open hnehtu Pegula

Pathianni khan Korea Open hmeichhe final khelh a ni a. Jessica Pegula chuan a khingpui Yue Yuan chu set hloh lovin a hneh a, season kal meka a title pahnihna a sualchhuak.
Pegula hian China nula world number 128 Yue Yuan lakah a khel tha viau a, set khatnaah game hnih chiah hlohin set a la a. Set hnihnaa game thum chiah hlohin set a la zui leh a, 6-2, 6-3 a hnehna changin a champion zui ta a ni.
Kum 29 mi Pegula hian season kal mekah title pahnih a la tling ta chiah a. Kum kal mekah amah aia title la hnem pahnih chiah an awm a, chungte chu world number one Aryna Sabalenka leh Iga Swiatek te chiah an ni. Korean Open-a a champion hma hian August thla khan Canadian Open-ah a lo champion tawh a. Doha leh Tokyo final-ah a vanduai ve ve thung. Final-a chak zo ta lo Yue Yuan khan WTA final a khelh vawi khatna a ni a, inelna dang a hmachhawn tawhah quarter-final a la thleng ngai lo. Tennis-a tawn san ber tum tawng mah se champion a tumna erawh a puitlin zo ta lo thung.