Ice cream man to ber

Ice cream man to ber hi kan tem ve chhin hrim hrim teh ang, tih ngawt chi pawh a ni lo, a nuaih tel man a ni tlat. Japanese ice cream brand Cellato siam a ni a, a hmingah Byakuya an ti a, Japanese yean 8,73,400 (Rs 4,86,100 vel) man a ni. Ice cream pakhat man a hetiang zat seng tur chuan neih ve deuh im em chu a ngai ang.
He ice cream hi a man a to em emna chhan chu a siam nana an thil hman hrang hrang te hi thil vâng tak tak vek a ni a, Alba, Italy-ah chauh hmuh tur awm white truffle pawh kilogram khat Japanese yen maktaduai 2 (Rs 1,11,000 vel) man a ni a, hei bakah hian Parmigiano Reggiano leh sake lees te pawh ice cream siam nana an thil siam nana an thil hman special zinga mi a ni.
Cellato hian ice cream man to ber siam ringawt hi an thil tum ber a ni lo a, European leh Japanese thil chi hrang hrang chawhpawlh a ice cream siam chu an thil tum pakhat a ni a, hetiang tur hian Cellato hian Tadayoshi Yamada an ruai a, ani hi Osaka-a restaurant hriathlawh tak RiVi-a an head chef a ni.
Cellato thupuangtu chuan he ice cream siam tur hian kum khat leh a chanve vel an buaipui tawh niin a sawi a, a tui dan tur ang bera siam chhuak turin thil chi hrang hrang an chawlhpawlh kual chhin nasa hle a ni, a tawpah chuan Byakuya hi an siam chhuak ta a ni.